ATTENDE DOMINE

CANTUS IN QUADRAGESIMA

 
 
 

R: Atténde Dómine, et miserére, quia peccávimus tibi. R.

1. Ad te Rex summe, ómnium Redémptor, óculos nostros sublevámus flentes: exáudi, Christe, supplicántum preces. R.

2. Déxtera Patris, lapis anguláris, via salútis, jánua cæléstis, áblue nostri máculas delícti. R.

3. Rogámus, Deus, tuam majestátem: áuribus sacris gémitus exáudi: crímina nostra plácidus indúlge. R.

4. Tibi fatémur crímina admíssa: contríto corde pándimus occúlta: tua, Redémptor, píetas ignóscat. R.

5. Innocens captus, nec repúgnans ductus, téstibus falsis pro ímpiis damnátus: quos redemísti, tu consérva, Christe. R.


 
 

Melodia hujus cantus.

(Proponitur et repetitur R., canitur prima stropha et repetitur R.)
 
 

index orationum variarum | index generalis

Compilavit Gregorius Kollmorgen.